بيت فلسطينى

موضوع: بيت فلسطينى الأربعاء مايو 06, 2009 12:41 pm

بكتب سطور بالقلم

بصلي القلم في الم

وقال اكتب عن اللي اتظلم

اكتب معاية عن الجروح

اكتب عن شاب فلسطيني

متخطاش سنه العشريني

واقف بصدره من الرصاص يحميني

واقف ولسه في الروح

واخوه الصغير عارف

مستني دوره ومش خايف

لانه للظلم شايف

وجارهم بالسر لا يبوح

واختهم بتبكي من غير دموع

قلعت فستان الفرح لبست دروع

دقت طبول الحرب بدل الشموع

بتقول اليوم لا نبكي ولا ننوح

وامهم بتصرخ من غير صوت

بتقول الشهيد ما بيموت

انا بصرخ من الجبروت

بصرخ وصوتي مبحوح

وابوهم في السجن محبوس

بيقول انا عايش في كابوس

انا واولادي في الهم مغموس

وانتم يا شباب بيجي الهم ويروح

اكتب يا قلمي اللي شاب

اكتب وقول عن الشباب

وطريقة لبسهم التياب

ما بين بنطلون ساقط وبادي مرفوع

اكتب واملي الكراس

لازم نصحي الناس

قولهم الذل طال الراس

لازم نوحد الجموع

اكتب وقول يارب شيل الغمة

يارب تتوحد الامة

ودة شئ محتاج همة

خلاص مش قادر اعيش مدبوح

اكتب وقول فين الابطال

من بعد صلاح وجمال

ولا دول صبحوا خيال

وبقوا في كتاب ممسوح

والله موضوع حلو كتير يا روما
وعندك حق فى كل كلمه
عارفين زى مابيقول المثل الشعبى الى بيقول
ناس هيصه وناس ليصه
معلشى بقى انا استخدمت اسلوب عام علشان اوصفلك الى بنشوفه دلوقتى

الموضوع جميل بجد ياروما
تسلم ايدك