يـــومــــيات صعيدى بيحب بنت اســـتايــل

انا جايبلكم قصه يارب تعجبكم

وهايكون معانا فى القصه

الصعيدى : أحـمــــــــد

البنت الاستايل : نــــور
m263:



يلا بقى استمتعوا مع الواد احمد والبت نووووووووووور

ونبدأ مع بعض (: الحلقه الاولـــــــــــــــــى



احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري ... يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...وبجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت وماعرفتش ترد على احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه

تابعوا معايا بقى قصة حب احمد الصعيدي ونور البنت الاستايل

- - - - - - - - - - - - - - - - - -
- - - - - - - - - - - - - - - - - -
- - - - - - - - - - - - - - - - - -

se7sooo
منقول

Reply to Your PostDelete Post

مستنى الردود يا شباب لو عجبتكم نكملها ان شاء الله

موضوع جميل اووووووووووووووى
وعاوزين بقيت الموضوع كمل

شكرا على الردود يا شباب اوك يا مونى اندهى السياف اه يقرا القصه معانا برده
:D:D

الموضوع جميل وبجد تسلم ايدك
بس هو انت هتعلقنا كل شوية
عاوزين التكمله

تسلم ايدددددددددددددك

شكرا يا شباب على الردود ومتخافوش الحلقات اللى جايه جامده :D:D:D:D

جميله اووووووووووووووووووووى
بس بجد مش بنحب نتعلق كل شوية

براحه عليه شوية يا سبع
هو عاوز يخلينا نتشوق لبقيه الحكاية

هو ان شاء الله هيخلص الحكاية كله المره الجاية

جامده يا سحسو ما تيجى نمثلها طيب

يا شباب اتأخرت عليكم انا عارف بس يلا بقي هنعوضكم هجبلكم حلقتين النهارده
اوك يا لوليتا وانتى ممثله شاطرة وانتى فاكرة طبعا :D:D:D

مش بحب كدا اكتب كل الحلقات

بجد تسلم ايدك على الموضوع الجميل ده